Atuartut ingerlatsisut amerlanersaat Kommuneqarfimmit Sermersuuminngaaneersuupput
Ataani takuneqarsinnaavoq atuartut efterskolernernit ingerlatsisut ukiuni atuarfiusuni kingullerni tallimani amerlassusaat. 2016-it naanerani atuartut efterskolernernik ingerlatsisut 380-iupput.
Titartagaq 2. Atuartut efterskolernernik ingerlatsisut, efterskolinut aammalu ukiumut atuarfiusumut agguaallugit
Najoqqutaq: Naatsorsueqqissaartarfik- Kisitsisaataasivimmi kisitsisit takukkit (http://bank.stat.gl/UDDESB )
2016-ip naanerani Efterskole Villads Villadsen 68-inik ingerlatsisunik atuartuuteqarpoq, tamanna ukiumut siulianut sanilliullugu atuartumik ataatsimik kinguariarneruvoq. Piffissami pineqartumi Maniitsumi Efterskoli annikitsumik siuariaateqarpoq, ukiumilu atuarfiusumi 2016/17-imi ukiup nikinnerani atuarfik 69-inik ingerlatsisunik atuartuuteqarpoq. 2016-ip naanerani.
Danmarkimi atuartut 243-t efterskolernernik ingerlatsisimapput. Taakku ukiumut siulianut sanilliullugu 19-nik amerlanerupput.
Ataani takuneqarsinnaavoq 2016-ip naanerani atuartut efterskolernernik ingerlatsisut agguaanneri, illoqarfik kingornuik aammalu efterskoli malillugit
Titartagaq 3. 2016-ip naanerani atuartut efterskolernernik ingerlatsisut, illoqarfik kingornuik malillugu
Nalunaarut: Naatsorsueqqissaartarfiup innuttaasunut nalunaarsuiffiani illoqarfik kingornuik atualeqqaarnerni uuttuutaavoq nutaaq. Atuartunut pingasut suminngaanneerfii paasissutissaqanngillat, taakkulu aamma titartakkami ilaatinneqanngillat.
Najoqqutaq: Naatsorsueqqissaartarfik- Kisitsisaataasivimmi kisitsisit takukkit (http://bank.stat.gl/UDDESB )
2016-imi atuartut 146-it Kommuneqarfik Sermersuummeersuupput, kommunilu taamaalilluni amerlanerpaanik efterskolernernik ingerlatsisunik atuartuuteqarpoq. Taakkulu atuartut pingasuugaangata ataaseq Kalaallit Nunaanni efterskolinik toqqaasimasarpoq. Kommuni Kujalleq efterskolernernik ingerlatsisunik 41-nik kommuunini atuartuutikinnerpaalluni atuartuuteqarsimavoq . Atuartut 117-t Qaasuitsup Kommuneaneersimapput, taakkunannga missiliorlugu 50 pct.-it Danmarkimi efterskolini ingerlatsisimallutik. Kommuneqarfik Sermersooq 2016-ip naanerani agguaqatigiissillugu amerlanerpaanik Danmarkimi efterskolertunik atuartuuteqarsimavoq. Atuartunit Qeqqata Kommunianinngaanneersunit 71-iusinit missiliorlugu 30 pct.-it Kalaallit Nunaanni efterskoliiniipput.